എംഡിഎംഎയുമായി യുവാവ് പിടിയിൽ

കോട്ടയം ∙ ലഹരിമരുന്നായ എംഡിഎംഎയുമായി യുവാവിനെ പൊലീസ് അറസ്റ്റ് ചെയ്തു. തിരുവാർപ്പ് മലരിക്കൽ ഭാഗത്തു ഓളോടുത്തിക്കരി ഒ.എസ്.സോജുവിനെയാണു (26) ജില്ലാ പൊലീസ് മേധാവിയുടെ നേതൃത്വത്തിലുള്ള ലഹരി വിരുദ്ധ സ്ക്വാഡ് പിടികൂടിയത്. 02.81 ഗ്രാം എംഡിഎംഎ കണ്ടെടുത്തു.

എംഡിഎംഎ നഗരത്തിൽ വിൽപനയ്ക്കു കൊണ്ടുവരുന്നതായി ജില്ലാ പൊലീസ് മേധാവി കെ.കാർത്തിക്കിനു രഹസ്യ വിവരം ലഭിച്ചിരുന്നു. ഇന്നലെ പുലർച്ചെ രണ്ടിനു  കളത്തിപ്പടി ആഞ്ഞിലിമൂട് ഭാഗത്ത് ജില്ലാ ലഹരി വിരുദ്ധ സ്ക്വാഡും ഈസ്റ്റ് പൊലീസും ചേർന്ന് നടത്തിയ വാഹന പരിശോധനയിലാണു സോജു പിടിയിലായത്. സ്റ്റേഷൻ എസ്ഐമാരായ പി.എസ്.അരുൺകുമാർ, ജിജി ലൂക്കോസ്, എം.പി.സജി എന്നിവരും പരിശോധനയിൽ പങ്കെടുത്തു. സോജുവിനെ കോടതി റിമാൻഡ് ചെയ്തു.