പാർലമെന്റിൽ നടക്കുന്നത് ജനാധിപത്യധ്വംസനം:കെ.സി.ജോസഫ്

കോട്ടയം ∙ പാർലമെന്റിൽ നടക്കുന്നത് ജനാധിപത്യ ധ്വംസനമാണെന്ന് കോൺഗ്രസ് രാഷ്ട്രീയകാര്യ സമിതി അംഗം കെ.സി.ജോസഫ്. ജില്ലാ കോൺഗ്രസ് കമ്മിറ്റി സംഘടിപ്പിച്ച ജനാധിപത്യ സംരക്ഷണ സദസ്സ് ഉദ്ഘാടനം ചെയ്യുകയായിരുന്നു അദ്ദേഹം.അറിയാനും പ്രതിഷേധിക്കാനുമുള്ള പാർലമെന്റ് അംഗങ്ങളുടെ അവകാശത്തിനു മേലുള്ള കടന്നുകയറ്റമാണ് പാർലമെന്റിൽ നടക്കുന്നതെന്ന് കെ.സി.ജോസഫ് പറഞ്ഞു. ഡിസിസി പ്രസിഡന്റ് നാട്ടകം സുരേഷ് അധ്യക്ഷത വഹിച്ചു. കെപിസിസി സെക്രട്ടറി കുഞ്ഞ് ഇല്ലംപള്ളി, മോഹൻ കെ.നായർ, ജി.ഗോപകുമാർ, എം.പി.സന്തോഷ് കുമാർ, ജെ.ജി.പാലക്കലോടി, സിബി ജോൺ, നന്തിയോട് ബഷീർ, ടി.സി. റോയ്, ജോബിൻ ജേക്കബ് തുടങ്ങിയവർ പ്രസംഗിച്ചു.