സിപിഎമ്മിലെ കൃഷ്ണകുമാരി രാജശേഖരൻ ചങ്ങനാശേരി നഗരസഭാധ്യക്ഷ

ചങ്ങനാശേരി∙ നഗരസഭാധ്യക്ഷയായി സിപിഎമ്മിലെ കൃഷ്ണകുമാരി രാജശേഖരൻ തിരഞ്ഞെടുക്കപ്പെട്ടു. 33 പേർ വോട്ട് ചെയ്തതിൽ 19 വോട്ടുകൾ കൃഷ്ണ‌കുമാരി രാജശേഖരൻ നേടി. യുഡിഎഫ് സ്‌ഥാനാർഥിക്ക് 14 വോട്ടുകൾ. നഗരസഭാ ഭരണം കെടുകാര്യസ്‌ഥതയിലെന്ന് ആരോപിച്ച് ബിജെപി വോട്ടെടുപ്പിൽ നിന്നും വിട്ടുനിന്നു. ഒരു സ്വതന്ത്ര അംഗവും വിട്ടു നിന്നു. എൽഡിഎഫിലെ മുൻധാരണ പ്രകാരം മുൻനഗരസഭാധ്യക്ഷ ബീനാ ജോബി രാജി വച്ചതിനെ തുടർന്നാണ് തിരഞ്ഞെടുപ്പ് നടന്നത്. മൂന്നാം തവണയാണ് നഗരസഭാധ്യക്ഷയാകുന്നത്.