വല്ലാത്തൊരു അപകടം; രണ്ട് ബസുകളുടെ ഇടയിൽ ഒരു കാർ! അപകടം ഉണ്ടായത് ഇങ്ങനെ..

തോട്ടയ്ക്കാട് ∙ സ്വകാര്യ ബസിന്റെ പിന്നിൽ കാറിടിച്ചു; കാറിന് പിന്നിൽ മറ്റൊരു ബസിടിച്ചു. കാർ തകർന്നു; കാർ ഡ്രൈവർ പരുക്കേൽക്കാതെ രക്ഷപ്പെട്ടു. കോട്ടയം – കോഴഞ്ചേരി റോഡിൽ തോട്ടയ്ക്കാട് അഞ്ചേരിയിൽ ഇന്നലെ രാവിലെ 8.30നായിരുന്നു അപകടം. 3 വാഹനങ്ങളും കോട്ടയം ഭാഗത്തേക്ക് പോകുകയായിരുന്നു. സ്വകാര്യ ബസ് പെട്ടെന്ന് നിർത്തിയപ്പോൾ കാർ ബസിന്റെ പിന്നിൽ ഇടിച്ചു. പിന്നിലെ എത്തിയ മറ്റൊരു ബസ് കാറിന്റെ പിന്നിൽ ഇടിച്ചു. ഇതോടെ കാർ 2 ബസുകളുടെയും ഇടയിൽ പെടുകയായിരുന്നു.