കൊട്ടണോ, ആടണോ? സൂര്യകിരൺ റെഡി

തിരുവനന്തപുരം∙ കാലിൽ ചിലങ്കയണിഞ്ഞാൽ നൃത്തവിസ്മയം, കയ്യിൽ ചെണ്ട കൊടുത്താൽ മേളവിസ്മയം; കോട്ടയം ളാക്കാട്ടൂർ എംജിഎം സ്കൂളിലെ പ്ലസ് വൺ വിദ്യാർഥി സൂര്യകിരണാണ് ഈ കലാപ്രതിഭ. ഹയർ സെക്കൻഡറി കുച്ചിപ്പുഡിയിൽ എ ഗ്രേഡ് നേടിയ സൂര്യകിരൺ ഉത്സവങ്ങളിൽ മേളമൊരുക്കാനും പോകാറുണ്ട്. കോഴിക്കോട് പേരാമ്പ്ര സ്വദേശികളായ അച്ഛൻ എം.ശിവദാസും അമ്മ ജോഷിനിയും പിന്തുണയുമായി ഒപ്പമുണ്ട്. ബാങ്ക് ഉദ്യോഗസ്ഥനായ അച്ഛനു സ്ഥലംമാറ്റം കിട്ടിയതോടെ കോട്ടയമാണ് ഇപ്പോൾ സൂര്യകിരണിന്റെ കലാകേന്ദ്രം. സൂപ്പർ കിഡ് പുരസ്കാരം, യങ് അച്ചീവേഴ്സ് പുരസ്കാരം എന്നിവ നേടിയിട്ടുണ്ട്.