കോട്ടയം ജില്ലയിൽ ഇന്ന് (10-05-2025); അറിയാൻ, ഓർക്കാൻ

തൊഴിൽവീഥി സെക്രട്ടേറിയറ്റ് മാതൃകാ പരീക്ഷ 15ന്:കാഞ്ഞിരപ്പള്ളി ∙ സെക്രട്ടേറിയറ്റ് അസിസ്റ്റന്റ് പരീക്ഷയ്ക്കു തയാറെടുക്കുന്നവർക്കായി മലയാള മനോരമ തൊഴിൽവീഥി സംഘടിപ്പിക്കുന്ന സംസ്ഥാനതല മാതൃകാ പരീക്ഷ 15ന് 10.30ന് നടക്കും .പുതിയതായി തൊഴിൽവീഥി വരിക്കാരാകുന്ന ഉദ്യോഗാർഥികൾക്കാണ് അവസരം. 3 മാസത്തേക്കുള്ള തൊഴിൽവീഥി വരിസംഖ്യയായ 150 രൂപ നൽകി മാതൃകാ പരീക്ഷയ്ക്കു പേരു നൽകാം. കുരിശുങ്കൽ ജംക്‌ഷനിൽ പ്രവർത്തിക്കുന്ന സ്മാർട്ട് പിഎസ്‌സി കോച്ചിങ് സെന്ററാണ് പരീക്ഷാ കേന്ദ്രം. 9567860918.

കെൽട്രോണിൽ ന്യൂ മീഡിയ കോഴ്സ്
കോട്ടയം ∙ പൊതുമേഖലാ സ്ഥാപനമായ കെൽട്രോൺ നടത്തുന്ന പ്രഫഷനൽ ഡിപ്ലോമ ഇൻ ജനറേറ്റീവ് എഐ എൻഹാൻസ്ഡ് ന്യൂ മീഡിയ ആൻഡ് വെബ് സൊല്യൂഷൻസ് തൊഴിലധിഷ്‌ഠിത കോഴ്സിലേക്കുള്ള പ്രവേശനം ആരംഭിച്ചു. ഓരോ ബാച്ചിലും 20 പേർക്കാണ് അഡ്മിഷൻ. അടിസ്ഥാന യോഗ്യത: പ്ലസ്ടു. 3 മാസമാണു കോഴ്സ് കാലാവധി. 9605404811, 9995668444.

മെഡിക്കൽ ക്യാംപ്
ചങ്ങനാശേരി ∙ ലയൺസ് ക്ലബ് ഓഫ് ചങ്ങനാശേരി റോയൽ തിരുവല്ല പുഷ്പഗിരി മെഡിക്കൽ കോളജിന്റെ സഹകരണത്തോടെ ഇന്ന് 9 നു കുറുമ്പനാടം സെന്റ് ആന്റണീസ് എൽപി സ്കൂളിൽ സൗജന്യ മെഡിക്കൽ ക്യാംപ് നടത്തും. ജനറൽ മെഡിസിൻ, ത്വക്ക്, കണ്ണ്, ശിശുരോഗം, ഇഎൻടി പരിശോധന നടത്തും. ജോബ് മൈക്കിൾ എംഎൽഎ ഉദ്ഘാടനം ചെയ്യും. ഫോൺ: 9946676114