കക്കയം ഡാമിലെ ജലനിരപ്പ് ഉയർന്നു: ഷട്ടർ മൂന്നടി തുറന്നു

കൂരാച്ചുണ്ട് ∙ കനത്ത മഴയിൽ കക്കയം ഡാമിലെ ജലനിരപ്പ് ഉയർന്നതിനാൽ ഇന്നലെ വൈകിട്ട് ഡാമിന്റെ രണ്ട് ഷട്ടറുകളും 3 അടി തുറന്നു. ഇന്നലെ ജലത്തിന്റെ അളവ് 2484.9 അടിയാണ്. ഡാമിന്റെ പരമാവധി സംഭരണശേഷി 2487 അടിയാണ്. ഇന്നലെ ഉച്ചയ്ക്ക് ഒരടി തുറന്നിരുന്ന ഷട്ടർ ശക്തമായ മഴയെത്തുടർന്ന് വൈകിട്ട് മൂന്നടി തുറന്നു വിടുകയായിരുന്നു. കക്കയം ഡാം വൃഷ്ടി പ്രദേശത്ത് കനത്ത മഴ തുടരുകയാണ്. കുറ്റ്യാടി പുഴയുടെ തീരങ്ങളിലുള്ളവർ ജാഗ്രത പാലിക്കണമെന്ന് അധികൃതർ അറിയിച്ചു.