‘കാണുന്നവർക്ക് കരളലയും’: മുൻ കാലുകളിലൊന്ന് പകുതി മുറിഞ്ഞുപോയി, നെറ്റിയിൽ മുറിവുമായി തെരുവുനായ്

കല്ലാച്ചി∙ മുൻ കാലുകളിലൊന്ന് പകുതി ഭാഗത്തുനിന്ന് മുറിഞ്ഞുപോയതിനാൽ നടക്കാൻ വയ്യാതെ പ്രയാസപ്പെടുന്ന നായയ്ക്ക് നെറ്റിയിൽ ആഴത്തിലേറ്റ മുറിവ് വ്രണവുമായതോടെ സങ്കടക്കാഴ്ചയായി. കല്ലാച്ചി മത്സ്യ മാർക്കറ്റ് പരിസരത്തെ ബസ് ഷെൽട്ടറിലും പരിസരങ്ങളിലുമായാണ് ഈ നായയെ കാണുന്നത്. ചിലർ നൽകുന്ന ഭക്ഷണം കൊണ്ടാണ് വിശപ്പടങ്ങുന്നത്. നെറ്റിയിലെ വ്രണത്തിൽ ഈച്ചയുടെ ശല്യം കൂടിയായതോടെ പെടുന്ന പ്രയാസം കാണുന്നവർക്ക് കരളലയിക്കും.