കൊല്ലംചിറ നീന്തിക്കടന്ന് ആറു വയസ്സുകാരി; ചിറ മുറിച്ചു കടന്നത് 800 മീറ്റർ നീന്തി

കൊല്ലം ∙ പ്രസിദ്ധമായ കൊല്ലം ചിറ നീന്തിക്കടന്ന് ആറു വയസ്സുകാരി നീലാംബരി വിസ്മയമായി. പത്ത് ഏക്കറോളം വിസ്തൃതിയുള്ള ചിറയാണ് നീന്തിക്കയറിയത്. 800 മീറ്റർ നീന്തിയാണ് ചിറ മുറിച്ചു കടന്നത്. താലൂക്ക് ആശുപത്രി മുൻ സൂപ്രണ്ട് ഡോ.രാമചന്ദ്രന്റെ മകൻ അരവിന്ദന്റെയും ഡോ.ദീപ്നയുടെയും മകളാണ് നീലാംബരി. ബന്ധുവായ സനന്ദ് രാജ് ഒപ്പം നീന്തി. ഒരു വർഷമായി നീന്തൽ പരിശീലനം നടത്തുന്ന നീലാംബരി കോതമംഗലം ജിഎൽപി സ്കൂളിലെ രണ്ടാം ക്ലാസ് വിദ്യാർഥിയാണ്.