യൂണിവേഴ്സിറ്റി സെന്ററിൽ തേനീച്ച ഭീഷണി

വടകര ∙ പുതുപ്പണം യൂണിവേഴ്സിറ്റി സെന്ററിലെ വലിയ തേനീച്ചക്കൂട് ഭീഷണി. കുത്തേറ്റ് സമീപത്തെ വീട്ടിലെ പശു ചത്തു. കഴിഞ്ഞ ദിവസങ്ങളിലായി ഒട്ടേറെ പേരെ ഇവ ആക്രമിച്ചിരുന്നു. യൂണിവേഴ്സിറ്റി സെന്ററിൽ ക്ലാസുകൾ ഇന്നലെ ഉച്ചയ്ക്ക് ശേഷം നിർത്തി. മണലിൽത്താഴ മധുസൂദനന്റെ കാസർകോട് കുള്ളൻ ഇനം പശുവാണ് ചത്തത്. വീടിനടുത്ത പറമ്പിൽ കെട്ടിയിട്ടതായിരുന്നു. പശുവിനെ തേനീച്ച ആക്രമിക്കുന്നത് കണ്ട് രക്ഷപ്പെടുത്താൻ ശ്രമിച്ച മധുസൂദനനും ഭാര്യ സജിതയ്ക്കും കുത്തേറ്റു. കെട്ടിടത്തിന്റെ മൂന്നാം നിലയിലാണ് കൂടുള്ളത്.