പ്രസാധകയ്ക്കെതിരെ വി.ആർ.സുധീഷിന്റെ വക്കീൽ നോട്ടിസ്

കോഴിക്കോട്∙ സമൂഹമാധ്യമങ്ങളിൽ അപവാദ പ്രചാരണം നടത്തിയെന്നാരോപിച്ച് പ്രസാധകയ്ക്കെതിരെ സാഹിത്യകാരൻ വി.ആർ.സുധീഷ് വക്കീൽ നോട്ടിസ് അയച്ചു. യുവ എഴുത്തുകാരിയുടെ പുസ്തകത്തിന് അവതാരിക എഴുതാൻ വി.ആർ.സുധീഷ് അവരെ ഒറ്റയ്ക്ക് വീട്ടിലേക്ക് വിളിച്ചതായി പ്രസാധക സമൂഹമാധ്യമത്തിൽ കുറിച്ചിരുന്നു. തന്റെ ഫോട്ടോ സഹിതം സമൂഹമാധ്യമത്തിൽ പ്രചരിപ്പിക്കുകയും ഭീഷണിപ്പെടുത്തുകയും ചെയ്തതായി പൊലീസിൽ പരാതി നൽകുകയും ചെയ്തു. പരാതിയിൽ സുധീഷിനെ അറസ്റ്റ് ചെയ്തിരുന്നു.