ബഫർസോണിനെതിരെ മാവോയിസ്റ്റ് പോസ്റ്റർ; തൊട്ടിൽപാലം പൊലീസ് സ്ഥലത്തെത്തി

കുറ്റ്യാടി(കോഴിക്കോട്)∙ ബഫർ സോണിനെതിരെ പശുക്കടവ് അങ്ങാടിയിലെ കടകളിൽ മാവോയിസ്റ്റ് പോസ്റ്റർ. സിപിഐ (മാവോയിസ്റ്റ്) ബാണാസുര ഏരിയ കമ്മിറ്റിയുടെ പേരിലാണ് 3 കടകളുടെ ഭിത്തിയിൽ പോസ്റ്റർ പതിച്ചത്. ബഫർ സോണിനെതിരെയും കർഷകർക്ക് അഭിവാദ്യങ്ങൾ അർപ്പിച്ചും ഖനന ഭൂമാഫിയയ്ക്കെതിരെയുമാണ് പോസ്റ്ററുകൾ. കസ്തൂരി രംഗൻ റിപ്പോർട്ട് തള്ളിക്കളയണമെന്നും പോസ്റ്ററിലുണ്ട്. തൊട്ടിൽപാലം പൊലീസ് സ്ഥലത്തെത്തി പോസ്റ്റർ കസ്റ്റഡിയിൽ എടുത്തു. 2 മാസം മുൻപ് പശുക്കടവ് പാമ്പൻകോട് മലയിലെ 2 വീടുകളിൽ മാവോയിസ്റ്റ് സംഘം എത്തി അരിയും സാധനങ്ങളും വാങ്ങി പോയിരുന്നു.