ഓടിക്കൊണ്ടിരുന്ന ബൈക്കിന് തീപിടിച്ചു; സഞ്ചരിച്ച യുവാവ് ചാടി രക്ഷപ്പെട്ടു

വടകര ∙ തിരുവള്ളൂർ പഞ്ചായത്തിലെ കന്നിനട പാലത്തിൽ ഓടിക്കൊണ്ടിരുന്ന ബൈക്കിന് തീ പിടിച്ചു. ബൈക്കിൽ സഞ്ചരിച്ച യുവാവ് രക്ഷപ്പെട്ടു. മൂന്നരയോടെയാണ് സംഭവം. കന്നിനട കളരിപ്പറമ്പത്ത് അറഫാത്ത് ആണ് രക്ഷപ്പെട്ടത്. ബൈക്ക് പൂർണമായും കത്തി നശിച്ചു.ബൈക്കിന് പിന്നാലെ വന്ന കാറിലുള്ളവരാണ് തീ പിടിച്ച വിവരം അറിയിക്കുന്നത്. ഉടൻ ചാടിയതിനാൽ രക്ഷപ്പെടുകയായിരുന്നു. പെട്രോൾ ചോർന്ന് തീ പടർന്നതാണെന്ന് കരുതുന്നു.