നിർത്തിയിട്ട ബസിനു പിന്നിൽ കാറിടിച്ച് അഞ്ചു പേർക്കു പരുക്ക്

കോഴിക്കോട്∙ കക്കോടി - ചെറുകുളം റോഡിൽ മക്കട ശശീന്ദ്ര ബാങ്കിന് സമീപം നിർത്തിയിട്ട ബസിന് പിന്നിൽ കാറിടിച്ച് കാർ യാത്രക്കാരായ 5 പേർക്ക് പരുക്ക്‌. രാത്രി 12.15ന് ആണ് അപകടം. കക്കോടി ചോയിക്കുട്ടി റോഡ് സ്വദേശികളാണ് കാർ യാത്രക്കാർ. താമരശ്ശേരിയിൽ പോയി തിരിച്ചു വരുന്നതിനിടെയാണ് അപകടം. വെള്ളയിൽ  എസ്ഐ ആര്യാ റമ്പത്ത് സജീഷ് (54), ഭാര്യ സുഗന്ധി (48), സജീഷിന്റെ പിതൃ സഹോദരൻ ചന്ദ്രൻ (70), ഭാര്യ ഗിരിജ (54), ചന്ദ്രന്റെ സഹോദരൻ ഗോപാലൻ (63)  എന്നിവർക്കാണ് പരുക്ക്. ചന്ദ്രനു  ഗുരുതര പരുക്കേറ്റു. എല്ലാവരെയും മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ബസിലേക്ക് ഇടിച്ചു കയറിയ കാറിനെ എലത്തൂർ പൊലീസും വെള്ളിമാടുകുന്നിൽ നിന്നെത്തിയ അഗ്നിരക്ഷാ സേനയും ചേർന്നാണ് നീക്കിയത്.