ഗതാഗതം സ്തംഭിപ്പിച്ച് കൂറ്റൻ പാറക്കല്ല്

വിലങ്ങാട്∙ ഇന്ദിരാ നഗർ മുണ്ടോംകണ്ടം റോഡിൽ കൂളിക്കാവിലേക്കുള്ള വഴിയിൽ കൂറ്റൻ പാറക്കല്ല് പൊട്ടിച്ച് കുറുകെയിട്ടത് ഗതാഗത സ്തംഭനത്തിന് ഇടയാക്കി. വനം ഓഫിസിനു സമീപത്തും റോഡ് നവീകരണത്തിന്റെ ഭാഗമായി തടസ്സപ്പെടുത്തിയിട്ടുണ്ട്. മുന്നറിയിപ്പ് ഇല്ലാതെയാണ് റോഡ് പണിയുടെ ഭാഗമായി കൂളിക്കാവിലേക്കുള്ള റോഡ് തടസ്സപ്പെടുത്തിയത്. റബർ ടാപ്പിങ്ങിനു പുറപ്പെട്ട കർഷകർ, പാലും പത്രവുമായെത്തിയ വാഹനങ്ങൾ തുടങ്ങിയവയെല്ലാം തടസ്സം കാരണം വലഞ്ഞു. പ്രതിഷേധത്തെ തുടർന്ന് പാറക്കഷണങ്ങൾ ഉച്ചയോടെ റോഡ് പണിക്കാരെത്തി നീക്കി.