പള്ളിയത്ത് ടൗണിൽ പകൽ കാട്ടുപന്നികളിറങ്ങി

കുറ്റ്യാടി∙ പട്ടാപ്പകൽ വേളം പള്ളിയത്ത് ടൗണിനെ വിറപ്പിച്ച് കാട്ടുപന്നിക്കൂട്ടത്തിന്റെ വിളയാട്ടം. രാവിലെ 11ന് ആണ് 4 കാട്ടുപന്നികൾ പള്ളിയത്ത് ടൗണിൽ എത്തിയത്. ഒരു പന്നി കിഴക്കേപറമ്പത്ത് കെ.പി. ഇബ്രാഹിമിന്റെ പോപ്പുലർ ട്രേഡേഴ്സ് സിമന്റ് കടയിലേക്ക് ഓടിക്കയറി. നാട്ടുകാർ ഓടിക്കൂടിയതോടെ പന്നി കടയ്ക്കുള്ളിലെ സാധനങ്ങൾ കുത്തിമറിച്ചിട്ടു. ചില്ലു വാതിൽ തകർത്ത് പുറത്തേക്ക് ഓടി. 20,000 രൂപയുടെ നഷ്ടം സംഭവിച്ചതായി കടയുടമ പറഞ്ഞു. വനം വകുപ്പ് അധികൃതർക്ക് പരാതി നൽകി.