നാദാപുരത്ത് 6 പേർക്കു കൂടി അഞ്ചാം പനി

നാദാപുരം∙ നാദാപുരത്ത് ഇന്നലെ 6 പേർക്കു കൂടി അഞ്ചാം പനി സ്ഥിരീകരിച്ചു. ഇതോടെ ആകെ 32 രോഗികളായി. 7ാം  വാർഡിൽ 3, ആറാം വാർഡിൽ 2,  പതിമൂന്നാം വാർഡിൽ 1 എന്നിങ്ങനെയാണ് ഇന്നലെ സ്ഥിരീകരിച്ച കേസുകൾ. ഏഴാം വാർഡിൽ ആകെ 10 കേസുകളും വാർഡ് ആറിൽ 9 കേസുകളുമാണുള്ളത്. ഇന്നു രാവിലെ 9ന് ചിയ്യൂരിൽ ഗൃഹവലയം സൃഷ്ടിക്കും.

വാക്സീൻ എടുക്കാത്ത കുട്ടികളുള്ള വീടുകളിൽ ഇന്ന് ആരോഗ്യപ്രവർത്തകർ ബോധവൽക്കരണം നടത്തും. സ്പോട്ട് വാക്സീൻ സെന്ററുകളും സജ്ജമാക്കും. ഇന്നലെ 640 വീടുകളിൽ ആരോഗ്യ പ്രവർത്തകർ ബോധവൽക്കരണം നടത്തി. 650 വീടുകളിൽ ലഘുലേഖ നൽകി. 74 വിവിധ അയൽക്കൂട്ടങ്ങളിലും ബോധവൽക്കരണം നടത്തി. 710 അയൽക്കൂട്ട അംഗങ്ങൾ ബോധവൽക്കരണത്തിൽ പങ്കാളികളായി.