കോഴിക്കോട് ജില്ലയിൽ ഇന്ന് (27-05-2023); അറിയാൻ, ഓർക്കാൻ
Mail This Article
മരങ്ങളും ചില്ലകളുംനീക്കണം: വടകര ∙ വില്യാപ്പള്ളി പഞ്ചായത്ത് പരിധിയിൽ സ്വകാര്യവ്യക്തികളുടെ സ്ഥലത്തെ അപകടാവസ്ഥയിലുള്ള മരങ്ങളും ചില്ലകളും 7 ദിവസത്തിനകം സ്വന്തം ഉത്തരവാദിത്തത്തിൽ മുറിച്ചുമാറ്റണമെന്ന് സെക്രട്ടറി അറിയിച്ചു. അല്ലാത്ത പക്ഷം ഉണ്ടാവുന്ന നഷ്ടങ്ങൾക്ക് ഉടമകളിൽ നിന്നു നഷ്ടപരിഹാരം ഈടാക്കും.
ഫിസിയോതെറപ്പിസ്റ്റ് നിയമനം
കക്കട്ടിൽ∙ കുന്നുമ്മൽ സാമൂഹിക ആരോഗ്യകേന്ദ്രത്തിൽ ഫിസിയോതെറപ്പിസ്റ്റിനെ നിയമിക്കുന്നു. കൂടിക്കാഴ്ച 30ന് 12ന് കുന്നുമ്മൽ ബ്ലോക്ക് പഞ്ചായത്ത് കോൺഫറൻസ് ഹാളിൽ.
അധ്യാപക നിയമനം
വടകര ∙ മണിയൂർ ഗവ. എച്ച്എസ്എസിൽ ഹൈസ്കൂൾ വിഭാഗത്തിൽ ഹിന്ദി, മലയാളം അധ്യാപക ഒഴിവുകളിലേക്ക് നിയമനത്തിനുള്ള അഭിമുഖം 29ന് 10ന് നടക്കും.
വടകര ∙ പുത്തൂർ ഗവ. ഹയർ സെക്കൻഡറി സ്കൂളിലെ ഹയർ സെക്കൻഡറി വിഭാഗം കമ്യൂണിക്കേറ്റീവ് ഇംഗ്ലിഷ് (സീനിയർ ), കംപ്യൂട്ടർ സയൻസ് (സീനിയർ ) അധ്യാപക അഭിമുഖം 29ന് രാവിലെ 11ന് നടക്കും.
വടകര ∙ മോഡൽ പോളിടെക്നിക് കോളജിൽ കംപ്യൂട്ടർ എൻജിനീയറിങ്, കംപ്യൂട്ടർ ആപ്ലിക്കേഷൻ വിഷയങ്ങളിൽ ലക്ചറർ നിയമനത്തിനുള്ള കൂടിക്കാഴ്ച 29ന് രാവിലെ 10ന്. 0496–2524920