താമരശ്ശേരി∙ ചുരം വനമേഖലയിൽ ഇന്നലെ വൈകിട്ട് ഉണ്ടായ ശക്തമായ മഴയിൽ നേരിയ തോതിൽ മലയിടിച്ചിൽ ഉണ്ടായി. തകരപ്പാടിക്കു മേലെ ദേശീയ പാതയോരത്താണ് ഇടിച്ചിൽ ഉണ്ടായത്. ഇന്നലെ വൈകിട്ട് 6.30ന് ആണ് ചെറിയ തോതിൽ മണ്ണും കല്ലും ഇടിഞ്ഞ് റോഡിലേക്ക് വീണത്. ഇതു മൂലം ഗതാഗതം തടസ്സപ്പെട്ടില്ലെങ്കിലും ഇടിച്ചിൽ ഭീഷണി പൂർണമായും ഒഴിവായിട്ടില്ല. ചുരത്തിൽ 6 മണിയോടെ പിക്കപ്പും ടിപ്പറും കൂട്ടി ഇടിച്ച് അപകടവും ഉണ്ടായി.