കോഴിക്കോട് ∙ ഡെങ്കിപ്പനി പടരുന്ന പശ്ചാത്തലത്തിൽ ജില്ലാ വെക്ടർ കൺട്രോൾ വിഭാഗത്തിന്റെ നേതൃത്വത്തിൽ കോഴിക്കോട് കോർപറേഷൻ പരിധിയിൽ വിവിധ കേന്ദ്രങ്ങളിൽ കൊതുകു നശീകരണത്തിന് ഫോഗിങ് നടത്തി. കല്ലായി കട്ടയാട്ടുപറമ്പ്, മാങ്കുഴിപറമ്പ്, കപ്പക്കൽ, വലിയങ്ങാടി, മുഖദാർ, വെള്ളയിൽ, കുറ്റിച്ചിറ, ബീച്ച് ആശുപത്രി പരിസരം എന്നിവിടങ്ങളിലാണ് ഫോഗിങ് നടത്തിയത്.  വിവിധയിടങ്ങളിൽ ഉറവിട നശീകരണം നടത്തി. കോർപറേഷൻ പരിധിയിൽ 12 ടീമായാണ് പരിശോധന നടത്തുന്നത്. പഴയ കോർപറേഷൻ പരിധിയിലാണ് കൂടുതലായി പ്രവർത്തനം നടത്തുന്നത്. വെള്ളയിൽ, പുതിയാപ്പ, ബേപ്പൂർ, കൊയിലാണ്ടി, ചോമ്പാല മത്സ്യബന്ധന തുറമുഖങ്ങളിൽ കഴിഞ്ഞ ദിവസം ഉറവിട നശീകരണം നടത്തിയിരുന്നു.