തിക്കോടി∙ പഞ്ചായത്ത് ബസാറിൽ കനത്ത മഴയിൽ വെള്ളം കയറി. ദേശീയപാതയിലും പരിസരങ്ങളിലും കനത്ത വെള്ളക്കെട്ടാണ്. ദേശീയ പാതയ്ക്ക് കുറുകെ നേരത്തേ ഉണ്ടായിരുന്ന ഓവുചാൽ ദേശീയപാത നിർമാണത്തിന്റെ ഭാഗമായി ഇല്ലാതായതാണു വെള്ളം കയറാൻ കാരണം. വ്യാപാര സ്ഥാപനങ്ങളിൽ വെള്ളം കയറിയിട്ടുണ്ട്. നാശനഷ്ടങ്ങളും ഉണ്ട്. ഓവുചാൽ പുനഃസ്ഥാപിക്കാൻ അടിയന്തര നടപടി സ്വീകരിക്കണമെന്നാണ് വ്യാപാരികളും നാട്ടുകാരും ആവശ്യപ്പെടുന്നത്.