വടകര∙ വില്യാപ്പള്ളി പഞ്ചായത്തിലെ 4–ാം വാർഡിലെ മനത്താമ്പ്ര മലയോട് ചേർന്ന പ്രദേശത്ത് അനധികൃത മണ്ണ് ഖനനമെന്ന് നാട്ടുകാർക്ക് പരാതി. തുടർന്ന് മണ്ണെടുക്കാൻ എത്തിച്ച മണ്ണുമാന്തി യന്ത്രം തടഞ്ഞു. മണ്ണ് ഖനനം ചെയ്തതിനെ തുടർന്ന് കഴിഞ്ഞ വേനലിൽ കടുത്ത ജലക്ഷാമം നേരിട്ട പ്രദേശമാണ് മനത്താമ്പ്ര മലയും പരിസരങ്ങളും. 

പെരണ്ടച്ചേരി മീത്തൽ, പാലോളി മീത്തൽ എന്നിവിടങ്ങളിലാണ് മണ്ണുമാന്തിയും ടിപ്പർ ലോറിയും ഉപയോഗിച്ച് മണ്ണ് എടുത്തത്. വിവരം അറിഞ്ഞ് എത്തിയ പ്രദേശവാസികൾ തടയുകയായിരുന്നു. അനധികൃത ഖനനത്തിന് എതിരെ ബന്ധപ്പെട്ടവർ നടപടി എടുക്കണമെന്നാണ് നാട്ടുകാരുടെ ആവശ്യം.