മാലിന്യമുക്തം നവകേരളം പരിപാടിക്ക് തുടക്കമായി

കോഴിക്കോട് ∙ മാലിന്യമുക്ത നവകേരളം പദ്ധതിയുടെ ഭാഗമായി നാഷണൽ സർവീസ് സ്കീം കോഴിക്കോട് ജില്ലാതല ഉദ്ഘാടനം കോഴിക്കോട് ആർഡിഡി എം.സന്തോഷ്കുമാർ മുക്കം ഹയർ സെക്കൻഡറി സ്കൂളിൽ വച്ച് നിർവഹിച്ചു. എൻഎസ്എസ് പ്രോഗ്രാം ഓഫീസർ എ.കെ. സ്വപ്ന സ്വാഗതം പറഞ്ഞു. പ്രിൻസിപ്പാൾ  സി.പി. ജംഷീന അധ്യക്ഷത വഹിച്ചു. ചടങ്ങിൽ കോഴിക്കോട് ജില്ലാ  എൻഎസ്എസ് കോഡിനേറ്റർമാരായ  എം.കെ. ഫൈസൽ,  എസ്. ശ്രീചിത്ത്, എൻഎസ്എസ് മാവൂർ ക്ലസ്റ്റർ കോഡിനേറ്റർ സില്ലി ബി. കൃഷ്ണൻ എന്നിവർ സംസാരിച്ചു. 

എൻഎസ്എസ് വോളണ്ടിയർ സെക്രട്ടറി എം.എഫ്. ഷിഫാ ഷെറിൻ നന്ദി പറഞ്ഞു. തുടർന്ന് എൻഎസ്എസ് വോളണ്ടിയർ ലീഡർ ഫാത്തിമ നിഹാല മാലിന്യ മുക്ത പ്രതിജ്ഞ ചൊല്ലിക്കൊടുത്തു. അധ്യാപികമാരായ സംഗീത ജി.എസ്.,  ശ്രീജ. ആർ, സാജിത .കെ എന്നിവർ പരിപാടിക്ക് നേതൃത്വം നൽകി.