ശിക്ഷ കഴിഞ്ഞ് പുറത്തിറങ്ങിയ യുവാവ് കഞ്ചാവുമായി പിടിയിൽ

ചക്കിട്ടപാറ ∙ കാപ്പ നിയമപ്രകാരം 6 മാസം കരുതൽ തടങ്കലിൽ നിന്നു കഴിഞ്ഞ ഫെബ്രുവരി 2ന് പുറത്തിറങ്ങിയ യുവാവിനെ 6 കിലോ കഞ്ചാവുമായി പൊലീസ് പിടികൂടി. പന്തിരിക്കര സൂപ്പിക്കട പാറേമ്മൽ ലത്തീഫിനെ (44) ആണ് പാലക്കാട് ടൗൺ പൊലീസ് എസ്ഐ ഒലവക്കോട് റെയിൽവേ സ്റ്റേഷൻ പരിസരത്ത് നിന്ന് അറസ്റ്റ് ചെയ്തത്.

കഞ്ചാവ് കൈവശം വച്ചതിന് 2 കേസുകളിൽ ശിക്ഷ ലഭിക്കുകയും 2 കേസുകളിൽ വിചാരണ നേരിടുന്നുമുണ്ട് പ്രതി. മോഷണം, അടിപിടി കേസുകളിലും ഉൾപ്പെട്ടിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.