ചക്കിട്ടപാറ – കൂടക്കൊല്ലി റോഡിൽ വെള്ളക്കെട്ട്

ചക്കിട്ടപാറ ∙ ടൗണിനടുത്തു 12ാം വാർഡിലെ ചക്കിട്ടപാറ – കൂടക്കൊല്ലി റോഡിൽ വെള്ളക്കെട്ട് യാത്രക്കാർക്ക് ദുരിതമാകുന്നു. അങ്കണവാടിക്ക് സമീപം മഴയത്ത് 25 മീറ്ററോളം റോഡ് വെള്ളക്കെട്ടിലാണ്.വെള്ളം ഒഴുകിപ്പോകാൻ സൗകര്യമില്ലാതെ അശാസ്ത്രീയമായ കെട്ടിട നിർമാണമാണ് പ്രശ്നം. അങ്ങാടിയിൽ പാതയോരത്തെ വെള്ളം ഈ റോഡിലേക്ക് ഒഴുകിയെത്തുന്നതും വെള്ളക്കെട്ടിനു കാരണമാകുന്നുണ്ട്.കെട്ടിടം നിർമിക്കുന്ന സ്വകാര്യ വ്യക്തികൾ പാതയിലെ വെള്ളക്കെട്ട് ഒഴിവാക്കാൻ നടപടിയെടുക്കണമെന്നും, പഞ്ചായത്ത് അടിയന്തരമായി പ്രശ്നത്തിൽ ഇടപെടണമെന്നും താലൂക്ക് വികസന സമിതി അംഗം രാജൻ വർക്കി ആവശ്യപ്പെട്ടു.