ADVERTISEMENT
Skip ads. Subscribe now.

കോഴിക്കോട്∙ വെങ്ങളം – രാമനാട്ടുകര ദേശീയപാത ആറുവരിയിൽ നവീകരിക്കുന്നതിന്റെ ഭാഗമായി മലാപ്പറമ്പ് ജംക്‌ഷനിൽ നിർമിക്കുന്ന 40 മീറ്റർ വെഹിക്കിൾ ഓവർപാസിന് അടിത്തറ നിർമാണം തുടങ്ങി. മലാപ്പറമ്പ് ജംക്‌ഷനിൽ 11.5 മീറ്റർ ആഴത്തിലാണ് അടിത്തറ നിർമിക്കുന്നത്. ഈ മാസം 7ന് ആണ് മലാപ്പറമ്പിൽ ഗതാഗത ക്രമീകരണം നടപ്പാക്കി റോഡ് കുഴിക്കാൻ തുടങ്ങിയത്. തറ നിർമാണം 15 ദിവസം കൊണ്ടു തീർക്കാനാണ് ലക്ഷ്യമിട്ടത്. എന്നാൽ, പൈപ്പുകളും കേബിളുകളും മാറ്റിസ്ഥാപിക്കുന്നതു വൈകി. ഡിസംബർ 10ന് അകം തറ നിർമാണം പൂർത്തിയാക്കാൻ കഴിയുമെന്നാണു പ്രതീക്ഷ. 

മലാപ്പറമ്പ് ജംക്‌ഷനിൽ കോഴിക്കോട് – വയനാട് റോഡിലാണ് ഓവർപാസ് നിർമിക്കുന്നത്. വെങ്ങളം – രാമനാട്ടുകര ബൈപാസ് ഓവർപാസിന്റെ 22 അടി താഴ്ചയിലൂടെ കടന്നുപോകും. മാർച്ചോടെ ഓവർപാസ് നിർമാണം പൂർത്തിയാക്കാനാണ് ലക്ഷ്യമിട്ടിരിക്കുന്നത്. ഫെബ്രുവരിയിൽ ഇതിന്റെ ഒരുഭാഗം പൂർത്തിയാക്കി കോഴിക്കോട് – വയനാട് റോഡിൽ ഗതാഗതത്തിനു തുറന്നു കൊടുക്കാനും ഉദ്ദേശിക്കുന്നു.

English Summary:

Construction of the foundation for the new 40-meter vehicle overpass at Malaparamba junction in Kozhikode has begun, marking a significant step in the six-lane widening of the Vengalam-Ramanattukara National Highway. Despite initial delays, the project is expected to progress with the overpass opening to traffic by March.

TAGS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com