ADVERTISEMENT

എരഞ്ഞിക്കൽ∙ കൈപ്പുറത്തു പാലത്തിന്റെ ടൂറിസം സാധ്യതകളിലേക്ക് വെളിച്ചം വീശുന്ന ‘കൈ ഓളം 2025’ കൈപ്പുറത്തു പാലം ഫെസ്റ്റ് ജനപങ്കാളിത്തം കൊണ്ടു ശ്രദ്ധേയമായി. 12നു മന്ത്രി പി.എ.മുഹമ്മദ് റിയാസ് ആണു ഫെസ്റ്റ് ഉദ്ഘാടനം ചെയ്തത്. 19നു സമാപിക്കും. കനോലി കനാൽ ഇൻസ്പെക്‌ഷൻ റോഡിൽ എരഞ്ഞിക്കൽ മുതൽ എടക്കാട് വരെ വൈദ്യുതി വിളക്കുകളാൽ ദീപാലംകൃതമാണ്. ദിവസവും 2 വേദികളിലായി കലാപരിപാടികളുമുണ്ട്. എരഞ്ഞിക്കൽ, മൊകവൂർ, പുത്തൂർ, എടക്കാട് പ്രദേശങ്ങളിലെ അൻപതോളം റസിഡന്റ്സ് അസോസിയേഷനുകളും സാംസ്കാരിക സംഘടനകളും സംയുക്തമായാണു ഫെസ്റ്റ് സംഘടിപ്പിക്കുന്നത്. വിദേശഇനങ്ങളിൽപെട്ട അരുമ ജീവികളുടെ പ്രദർശനം ശ്രദ്ധേയമാണ്. ഊഞ്ഞാൽ ഗ്രാമവും ആകർഷിക്കും. 

കൈപ്പുറത്തു പാലം ഫെസ്റ്റിനോട് അനുബന്ധിച്ച് സംഘടിപ്പിച്ച ഊഞ്ഞാൽ ഗ്രാമം രാത്രിയിലും സജീവമായപ്പോൾ.
കൈപ്പുറത്തു പാലം ഫെസ്റ്റിനോട് അനുബന്ധിച്ച് സംഘടിപ്പിച്ച ഊഞ്ഞാൽ ഗ്രാമം രാത്രിയിലും സജീവമായപ്പോൾ.

ഫെസ്റ്റിൽ എത്തുന്നവർക്ക് കണ്ടൽക്കാട്ടിലൂടെ ഉല്ലസിക്കാൻ കാനന യാത്രയും ഒരുക്കിയിട്ടുണ്ട്. കണ്ടൽച്ചെടികളുടെ സൗന്ദര്യം ആസ്വദിച്ച് കനോലി കനാലിലൂടെ ബോട്ട് യാത്രയ്ക്കും അവസരമുണ്ട്. പുഴയിൽ സ്ഥാപിച്ച ഫ്ലോട്ടിങ് റസ്റ്ററന്റിൽനിന്നു രുചി വൈവിധ്യങ്ങൾ ആസ്വദിക്കാനുമാകും. വിനോദ വിജ്ഞാന വിപണന സ്റ്റാളുകളും ഒരുക്കിയിട്ടുണ്ട്. ഫെസ്റ്റിന്റെ ഭാഗമായി സംഘടിപ്പിച്ച കമ്പവലി മത്സരം ആവേശമായി.

English Summary:

Kaippuram Bridge Fest 2025 showcased Kerala's tourism potential with a vibrant celebration at Kaippuram Bridge. The festival featured cultural performances, boat rides, and an amusement park, attracting large crowds.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com