മലയങ്ങാട് കൃഷി ഭൂമിയിൽ തീപിടിത്തം; തീ പടരുമെന്ന് ഭീതി

വിലങ്ങാട് ∙ മലയങ്ങാട് കൃഷി ഭൂമിയിൽ തീപിടിത്തം. ചൊവ്വാഴ്ച ഉച്ചയോടെയാണ് തീ ഉയരുന്നത് നാട്ടുകാരുടെ ശ്രദ്ധയിൽപ്പെട്ടത്. പാറക്കെട്ടുകൾ നിറഞ്ഞ കൃഷി ഭൂമിയിലെ അടിക്കാടുകളും കരിയിലകളുമാണ് കത്തിനശിച്ചത്. മലയങ്ങാട് പാലത്തിന് മുകൾ ഭാഗത്താണ് ആദ്യം തീപിടിത്തമുണ്ടായത്. വൈകിട്ടോടെ വ്യാപകമാവുകയായിരുന്നു. രാത്രിൽ തീ പടരുമെന്ന ഭീതിയിലാണ് പ്രദേശവാസികൾ. തീപിടിത്തമുണ്ടായതോടെ പാറകൾക്ക് ചൂട് പിടിച്ച് ഉരുണ്ട് താഴേക്ക് പതിക്കുന്നുണ്ട്. നാട്ടുകാർ പച്ചില ഉപയോഗിച്ച് അണയ്ക്കാൻ ശ്രമിക്കുന്നുണ്ടെങ്കിലും തീ വ്യാപിക്കുകയാണ്. റബർ കൃഷികൾ കത്തിനശിച്ചതായി നാട്ടുകാർ പറഞ്ഞു.