ടാറിങ് വൈകുന്നു; ജെടി റോഡിൽ ദുരിതം

വടകര∙ ജെടി റോഡിൽ നവീകരണ പ്രവൃത്തി പൂർത്തിയായിട്ടും ടാറിങ് തുടങ്ങാത്തത് ദുരിതമായി.  ഓവുചാൽ നിർമാണം പൂർത്തിയായിട്ടും ഈ ഭാഗങ്ങളിൽ ടാറിങ് നടക്കാത്തതാണ് ദുരിതത്തിന് പ്രധാന കാരണം. ഓവുചാൽ നിർമാണത്തിന് കുഴിച്ച ഭാഗങ്ങളിൽ മണ്ണ് താണു കുഴിയായിട്ടുണ്ട്. അതിൽ തട്ടി ബൈക്കുകൾ തെന്നി വൂഴുന്നത് പതിവാണ്. കൂടാതെ പൊടിശല്യവും രൂക്ഷം. അടിയന്തരമായി റീ ടാറിങ് പ്രവൃത്തി നടത്തണമെന്ന് വ്യാപാരി വ്യവസായി സമിതി വീരഞ്ചേരി യൂണിറ്റ് ആവശ്യപ്പെട്ടു. പ്രസിഡന്റ് ടി.ഇ.ഷനു അധ്യക്ഷത വഹിച്ചു. കെ.പത്മനാഭൻ, പി.കെ.സുധീർകുമാർ എന്നിവർ പ്രസംഗിച്ചു.