നാട്ടുകാരുടെ സമയോചിത ഇടപെടൽ; വൻ തീപിടിത്തം ഒഴിവായി

നടുവണ്ണൂർ ∙അവിടനല്ലൂരിലെ അരീക്കോത്ത് പാറ മലയിൽ ഉണ്ടായ തീപിടിത്തത്തിൽ‌ നാട്ടുകാരുടെ സമയോചിതമായ ഇടപെടലിൽ തീ അണയ്ക്കാൻ സാധിച്ചു.പടരുന്നത് ശ്രദ്ധയിൽപെട്ട ഉടൻ പേരാമ്പ്ര ഫയർ ഫോഴ്സ് ഓഫിസിൽ വിവരം അറിയിച്ചിരുന്നു.വാഹന സൗകര്യമില്ലാത്തതിനാൽ അവർക്ക് എത്താൻ കഴിഞ്ഞില്ല.അവരുടെ നിർദേശത്തിൽ ഫയർ ബെൽറ്റ് ഒരുക്കിയും പച്ചില കൊണ്ട് അടിച്ചും പാറയിടുക്കിനോടു ചേർന്നുള്ള നീരുറവയിൽ നിന്ന് വെള്ളം എത്തിച്ചും കഠിനമായ ശ്രമത്തിലൂടെ തീ അണയ്ക്കുകയായിരുന്നു.സുധീഷ് കിഴക്കോട്ട്, ജിതേഷ് പുലരി, സുരേഷ് ആലക്കണ്ടി, ഷനോജ് അരീക്കോത്ത്, ആനി മൂലാട്, പ്രകാശൻ ഊളേരി, വേണു മേലാത്താലിൽ എന്നിവരുടെ നേതൃത്വം നൽകി.