മധുര ബസാർ ബി–4 ബി–5 റോഡ് തകർന്നു; യാത്രക്കാർ ദുരിതത്തിൽ

ചെറുവണ്ണൂർ ∙ മധുര ബസാർ ബി–4 ബി–5 റോഡിൽ ഗതാഗതം ദുസ്സഹം. പലയിടത്തും ടാറിങ് പൊളിഞ്ഞു റോഡ് ദുർഘടമായി. ത്വാഹ മസ്ജിദ് പരിസരം മുതൽ ചെറൂക്ക് പറമ്പ് അങ്കണവാടി വരെ പാത തകർന്നു കിടപ്പാണ്. ഇവിടെ റോഡിൽ വലിയ കുഴിയാണ്. ചെറൂക്ക് പറമ്പ് അങ്കണവാടിക്കു മുൻപിൽ ചെളി കെട്ടിക്കിടക്കുന്നുണ്ട്. പ്രദേശത്തെ ഗോഡൗണുകളിലേക്കും മറ്റും എത്തുന്ന വാഹന യാത്രക്കാരും ആശങ്കയിലാണ്. ഫലപ്രദമായ ഓട ഇല്ലാത്തതാണ് റോഡ് കുളമാകാൻ കാരണം. മഴക്കാലത്ത് റോഡിൽ പലയിടത്തും വെള്ളം കെട്ടി നിൽക്കും. ഒട്ടേറെ ഭാരവാഹനങ്ങൾ കടന്നു പോകുന്ന പാത സമയബന്ധിതമായി അറ്റകുറ്റപ്പണി നടത്താൻ അധികൃതർ നടപടി സ്വീകരിക്കുന്നില്ല.