കുറ്റിക്കാട്ടിൽ ഉപേക്ഷിച്ച നായ്ക്കുട്ടികളെ പരിചരണ കേന്ദ്രത്തിൽ എത്തിച്ചു

തേഞ്ഞിപ്പലം ∙ കാലിക്കറ്റ് സർവകലാശാലാ ക്യാംപസിൽ കുറ്റിക്കാട്ടിൽ ഉപേക്ഷിക്കപ്പെട്ട നായ്ക്കുട്ടികളെ വീണ്ടെടുത്ത് തൃശൂരിൽ പരിചരണ കേന്ദ്രത്തിൽ എത്തിച്ച് നീരജ് കോളേരി (26). 5 നായ്ക്കുട്ടികൾ കാട്ടിൽ കിടക്കുന്നതായി ഒരു പെൺകുട്ടി നീരജിനെ വിളിച്ച് അറിയിക്കുകയായിരുന്നു. 

നോക്കിയപ്പോൾ അവയിൽ ഒന്ന് ചത്ത നിലയിലായിരുന്നു. ബാക്കി നാലും അവശരായ നിലയിലും.  അവയെ കുളിപ്പിച്ച് വേണ്ട പരിചരണവും ഭക്ഷണവും നൽകിയ ശേഷമാണ് തൃശൂരിൽ എത്തിച്ചത്. അവിടെ ഇനി ചികിത്സ നൽകും. ആവശ്യക്കാർ എത്തിയാൽ അവർക്ക് കൈമാറും. ഇല്ലെങ്കിൽ പരിചരണ കേന്ദ്രത്തിൽ സംരക്ഷിക്കും.