പെരിന്തൽമണ്ണയിൽ റെക്കോർഡ് മഴ

മലപ്പുറം ∙ ഇന്നലെ പെരിന്തൽമണ്ണയിൽ രേഖപ്പെടുത്തിയത് സംസ്ഥാനത്തെ ഏറ്റവും ഉയർന്ന മഴ. വ്യാഴം രാവിലെ 8 മുതൽ ഇന്നലെ രാവിലെ 8 വരെയുള്ള 24 മണിക്കൂറിൽ ഇവിടെ പെയ്തത് 11 സെന്റിമീറ്റർ മഴയാണ്. അതേസമയം ജില്ലയിൽ ജൂൺ മാസത്തിൽ ഇത്തവണ പകുതിയോളം മഴ കുറവാണെന്നു കേന്ദ്ര കാലാവസ്ഥാ വകുപ്പിന്റെ കണക്കുകൾ പറയുന്നു. ഇന്നലെ ജില്ലയുടെ വിവിധ സ്ഥലങ്ങളിൽ രേഖപ്പെടുത്തിയ മഴ (വ്യാഴം രാവിലെ 8 മുതൽ ഇന്നലെ രാവിലെ 8 വരെ): അങ്ങാടിപ്പുറം–9.2 സെന്റിമീറ്റർ, കരിപ്പൂർ വിമാനത്താവളം–6.4, ആനക്കയം –5.6, പൊന്നാനി –5.4, മഞ്ചേരി –3.2, നിലമ്പൂർ–3.