നിറമരുതൂരും കടന്ന് ചെണ്ടുമല്ലികൾ പൂവിടും

തിരൂർ ∙ നിറമരുതൂരിൽ വിരിഞ്ഞ പൂക്കൃഷിവിപ്ലവം സമീപസ്ഥലങ്ങളിലേക്കും പടർന്നു പന്തലിക്കുന്നു. ഓണക്കാലം ലക്ഷ്യമിട്ടുള്ള പൂക്കൃഷിയാണു നിറമരുതൂരിനു പുറമേ അടുത്തുള്ള സ്ഥലങ്ങളിലെല്ലാം വ്യാപിക്കുന്നത്. 3 വർഷം മുൻപ് പരീക്ഷണാടിസ്ഥാനത്തിലാണ് നിറമരുതൂരിൽ കൃഷി തുടങ്ങിയത്. ഇത് വിജയിച്ചതോടെ ഓരോ വർഷവും കൂടുതൽ സ്ഥലങ്ങളിൽ പൂക്കൾ വിരിയിച്ചു. ഇത്തവണയും നാലേക്കർ സ്ഥലത്ത് ചെടികൾ നട്ടിട്ടുണ്ട്. 20 ടൺ പൂക്കൾ വിരിയാക്കാമെന്നാണു പ്രതീക്ഷ. കഴിഞ്ഞ തവണ 15 ടൺ പൂക്കൾ ലഭിച്ചിരുന്നു. 25 കർഷകരാണ് ഇതിനായി മുന്നിട്ടിറങ്ങിയിരിക്കുന്നത്.