രാത്രി വീടിനു തീ വച്ച് യുവാവിന്റെ പരാക്രമം

അങ്ങാടിപ്പുറം∙ മുറിക്കുള്ളിലിരുന്ന് വീടിനു തീവച്ച യുവാവിനെ നാട്ടുകാർ രക്ഷപ്പെടുത്തി. ഇന്നലെ രാത്രി പതിനൊന്നരയോടെ അങ്ങാടിപ്പുറം ഏറാന്തോടാണ് സംഭവം. ഈ സമയം യുവാവ് മാത്രമാണ് വീട്ടിലുണ്ടായിരുന്നത്. മുറിയ്ക്കുള്ളിൽ നിന്ന് തീ ഉയരുന്നത് കണ്ട് സമീപം താമസിക്കുന്നവർ എത്തി വാതിൽ ചവിട്ടി പ്പൊളിച്ച് അകത്തുകയറിയാണ് യുവാവിനെ പുറത്തെത്തിച്ചത്. വീടിന്റെ ഒരു മുറി സാധന സാമഗ്രികൾ ഉൾപ്പെടെ കത്തി നശിച്ചു. അപ്പോഴേക്കും പെരിന്തൽമണ്ണയിൽ നിന്ന് വിവരമറിഞ്ഞെത്തിയ അഗ്നി രക്ഷാ സേനാംഗങ്ങളുടെയും നാട്ടുകാരും ചേർന്നാണ് തീ അണച്ചത്. നാട്ടുകാരുടെ അവസരോചിതമായ ഇടപെടലിലാണ് ദുരന്തം ഒഴിവായത്.