ആറുവരിപ്പാതയുടെ അരികിൽ പെട്ടെന്നൊരു കുളം!

പുത്തനത്താണി∙ ജല അതോറിറ്റിയുടെ പൈപ്പ് പൊട്ടി ആറുവരിപ്പാതയുടെ അരികിൽ കുളം രൂപംകൊണ്ടു. വെട്ടിച്ചിറയിലാണ് 2 ദിവസമായി പൈപ്പ് പൊട്ടി ശുദ്ധജലം പാഴായിപ്പോകുന്നത്. പരന്നൊഴുകാതിരിക്കാൻ റോഡരികിൽ കുഴിയെടുത്ത് അതിൽ വെള്ളം കെട്ടിനിർത്തിയിരിക്കുകയാണ്. പൈപ്പ് നന്നാക്കാൻ ഇതുവരെ നടപടിയുണ്ടായിട്ടില്ല. പലപ്പോഴും ഇവിടെ പൈപ്പ് പൊട്ടി വെള്ളം പാഴായി ഒഴുകാറുണ്ട്. പരാതിപ്പെട്ടിട്ടും പരിഹാരമില്ല. പൈപ്‌ലൈൻ വഴിയെത്തുന്ന ശുദ്ധജലത്തെ ആശ്രയിക്കുന്ന കുടുംബങ്ങൾ ഇതോടെ പ്രയാസത്തിലാണ്. ഉടനെ നടപടി വേണമെന്നാണു നാട്ടുകാരുടെ ആവശ്യം.