എടക്കര ∙ നീലഗിരിയിലെ ചേരമ്പാടി പ്രദേശത്ത് ജനവാസ കേന്ദ്രങ്ങളിലിറങ്ങി ഭീതി സൃഷ്ടിക്കുന്ന ആനക്കൂട്ടത്തെ തുരത്താൻ താപ്പാനകളെയെത്തിച്ചു. കഴിഞ്ഞദിവസം ചേരമ്പാടിക്കടുത്ത് കോരഞ്ചാലിൽ യൂവാവ് കാട്ടാനയുടെ ആക്രമണത്തി‍ൽ കൊല്ലപ്പെട്ടതിൽ നാട്ടുകാരുടെ പ്രതിഷേധം ശക്തമായതിനെ തുടർന്നാണു നടപടി.

കോരഞ്ചാലിൽ ചപ്പുതോട് സ്വദേശിനിയായ യുവതിയും മൂന്നു മാസം മുൻപും കാട്ടാനയുടെ ആക്രമണത്തിൽ കൊല്ലപ്പെട്ടിരുന്നുമൂതുമല ആന ക്യാംപിൽ നിന്നുള്ള വസിം, വിക്രം എന്നീ താപ്പാനകളെയാണ് എത്തിച്ചത്. കോരഞ്ചാൽ മേഖലയിലാണ് ആനക്കൂട്ടത്തെ നിരീക്ഷിച്ചുവരുന്നത്. വനപാലകരുടെ സംഘവും സ്ഥലത്ത് ക്യാംപ് ചെയ്തിട്ടുണ്ട്, നീലഗിരി കലക്ടർ സ്ഥലം സന്ദർശിച്ചു.