കലോത്സവത്തിൽ കുട്ടികൾക്ക് തുണയായി ആംബുലൻസ് സ്ക്വാഡ്

കോട്ടയ്ക്കൽ ∙ പരുക്കേറ്റ 15 മത്സരാർഥികളെ ചികിത്സക്കെത്തിച്ച്   ആംബുലൻസ്  സ്ക്വാഡ്. ജില്ലാ കലോത്സവ മത്സരത്തിൽ ചവിട്ടു നാടകത്തിലാണ് കൂടുതൽ പേർ പരുക്കേറ്റ് ചികിത്സ തേടിയത്. 13 പേർക്ക് പരുക്കേറ്റു. ഒപ്പന മത്സരത്തിൽ തളർന്നു വീണും മത്സരാർഥികൾക്കു പരുക്കേറ്റിരുന്നു. ഹൈസ്കൂൾ ഒപ്പന കഴിഞ്ഞപ്പോൾ മാത്രം നാൽപതിലേറെ കുട്ടികളെയാണ് ട്രോമാ കെയർ പ്രവർത്തകർ മെഡിക്കൽ സംഘത്തിന്റെ അടുത്തെത്തിച്ചത്. ഒരാളെ ആംബുലൻസിൽ ആശുപത്രിയിലേക്കും കൊണ്ടുപോയി. ആംബുലൻസ് ഓണേഴ്സ് ആൻഡ് ഡ്രൈവേഴ്സ് അസോസിയേഷന്റെ നേതൃത്വത്തിൽ 3 ആംബുലൻസുകളും 10 അംഗ സ്ക്വാഡുമാണ് കലോത്സവത്തിൽ സൗജന്യ സേവനം നടത്തുന്നത്.