ADVERTISEMENT

വളാഞ്ചേരി ∙ ആയുർവേദ മർമ ചികിത്സയുടെ പൊരുൾ തേടി ജപ്പാനിൽ നിന്ന് ഒരു സംഘം ഡോക്ടർമാർ കേരളത്തിലെത്തി. കാട്ടിപ്പരുത്തിയിലുള്ള ചങ്ങമ്പള്ളി വൈദ്യസ്ഥാപനങ്ങളും അവർ സന്ദർശിച്ചു. ജപ്പാനിൽ നിന്നുള്ള ഡോ. കവോരു ഒസാനായ്, ധനുഷ് അസാർജിൻ, മിയി ഓഖ, യഗോടോ, അയമി മിസോബാറ്റ് എന്നിവരുടെ നേതൃത്വത്തിലുള്ള 11 അംഗ സംഘമാണ് എത്തിയത്. തലമുറകളായി കൈമാറി വരുന്ന മർമചികിത്സയും ആയുർവേദ വിധികളും ചികിത്സാ ക്രമങ്ങളും മരുന്നു നിർമാണ രീതികളും അവർ ചോദിച്ചറിഞ്ഞു.

മർമ ചികിത്സ അടക്കമുള്ള  മുറകൾ കാലികമായ ഒട്ടേറെ രോഗങ്ങൾക്ക് പ്രയോജനം ചെയ്യുമെന്ന് അവർ അഭിപ്രായപ്പെട്ടു. സംഘത്തിനു വേണ്ടി  ചങ്ങമ്പള്ളി കളരിയി‍ൽ പ്രത്യേക കളരി പ്രദർശനവും നടത്തി. ചീഫ് ഫിസിഷ്യനും എംഡിയുമായ ഡോ. ചങ്ങമ്പള്ളി അബ്ദുൽറഹീം ഗുരുക്കൾ, സി.എച്ച്.അബ്ദുൽ ജബ്ബാർ ഗുരുക്കൾ, ഡോ. സി.എച്ച്.മൻസൂർ അലി ഗുരുക്കൾ, ഡോ. അൻസാർ അലി ഗുരുക്കൾ, ഡോ. ഫാത്തിമ കീഴോപ്പാട്ട്, ആസിഫലി ഗുരുക്കൾ, അലി ഷാഹിദ് ഗുരുക്കൾ തുടങ്ങിയവർ ചേർന്ന് ജപ്പാൻ സംഘത്തെ വരവേറ്റു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com