കാട്ടുപന്നിയുടെ ആക്രമണത്തിൽ വീട്ടമ്മയ്ക്ക് പരുക്ക്

എടക്കര∙ കാട്ടുപന്നിയുടെ ആക്രമണത്തിൽ വീട്ടമ്മയ്ക്ക് പരുക്കേറ്റു. വഴിക്കടവ് നാക്കോവിലെ പാറക്കൽ മറിയാമ്മയ്ക്കാണ് പരുക്കേറ്റത്. ഇന്ന് രാവിലെ ആറരയോടെയാണ് സംഭവം. വീട്ടുമുറ്റത്തെ അയയിൽ വസ്ത്രങ്ങൾ ഉണക്കാനിടുമ്പോൾ കാട്ടുപന്നി ആക്രമിക്കുകയായിരുന്നു. മറിയാമ്മയെ അരീക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചു. കാലിലെ എല്ലിൽ പൊട്ടലുണ്ട്.