ലോറി പാഞ്ഞുകയറി വൈദ്യുതക്കാലുകൾ തകർത്തു; ദുരന്തം ഒഴിവായി

മേലാറ്റൂർ∙ നിയന്ത്രണം വിട്ട ചരക്കുലോറി പാതയോരത്തേക്കു പാഞ്ഞുകയറി 2 വൈദ്യുതക്കാലുകൾ തകർത്തു. ലൈനുകൾ ലോറിക്കു മുകളിൽ വീണ ങ്കിലും വൻ ദുരന്തം ഒഴിവായി. ഇന്നലെ പുലർച്ചെ ഒരു മണിയോടെ ഒലിപ്പുഴ പെരുവക്കാടാണ് സംഭവം.

ലോറി വൈദ്യുതക്കാലുകളിൽ ഇടിച്ച് മൺതിട്ടയിൽ കയറിയാണ് നിന്നത്.  എച്ച്ടിഎൽടി ലൈനുകൾ ലോറിക്കു മുകളിൽ വീണെങ്കിലും വൈദ്യുതി പെട്ടെന്നു നിലച്ചതിനാലാണ് ദുരന്തം വഴിമാറിയത്. തമിഴ്നാട്ടിൽനിന്നു മഞ്ചേരി ഭാഗത്തേക്കു ചകിരിപ്പൊടി ലോഡുമായി പോവുകയായിരുന്നു ലോറി.