മലപ്പുറം ജില്ലാ പഞ്ചായത്ത് മുൻ പ്രസിഡന്റ് എ.പി.ഉണ്ണികൃഷ്ണൻ അന്തരിച്ചു

മലപ്പുറം∙ മലപ്പുറം ജില്ലാ പഞ്ചായത്ത് മുൻ പ്രസിഡന്റും നിലവിൽ അംഗവുമായ എ.പി.ഉണ്ണികൃഷ്ണൻ അന്തരിച്ചു. അർബുദ ബാധിതനായി ചികിത്സയിലായിരുന്നു. തിരൂർ ജില്ലാ ആശുപത്രിയിലായിരുന്നു അന്ത്യം. മുസ്‌ലിം ലീഗ് ജില്ലാ സെക്രട്ടറി ആണ്. മുസ്‌ലിം ലീഗിന്റെ പോഷക സംഘടനയായ ദലിത് ലീഗിന്റെ മുൻ സംസ്ഥാന പ്രസിഡന്റ് ആയിരുന്നു. 

വേങ്ങര കണ്ണമംഗലം സ്വദേശി ആണ്. മൃതദേഹം ഇന്ന് വൈകിട്ട് 3ന് മലപ്പുറം ജില്ലാ പഞ്ചായത്ത് ഓഫിസിൽ പൊതുദർശനത്തിന് വയ്ക്കും. തുടർന്ന് വൈകിട്ട് 5 മുതൽ 6 വരെ കണ്ണമംഗലം എരഞ്ഞിപ്പടി നാലുകണ്ടം മദ്രസയിൽ പൊതുദർശനം. സംസ്കാരം ശനിയാഴ്ച രാവിലെ 10ന് പരപ്പൻചിന കുടുംബം ശ്മശാനത്തിൽ.