ഒറ്റ രാത്രി; കാട്ടാനക്കൂട്ടം നശിപ്പിച്ചത് അരയേക്കർ കമുകിൻ തോട്ടം

ആനശല്യം ഇതുപോലെ തുടർന്നാൽ കൃഷി ഉപേക്ഷിക്കുകയല്ലാതെ മറ്റു വഴിയില്ല. നഷ്ടമായിട്ടും കൃഷി ഉപേക്ഷിക്കാൻ മനസ്സനുവദിക്കാത്തതിനാലാണ് പലരും പിൻമാറാത്തത്. വർഷങ്ങളുടെ അധ്വാനമാണ് ഒറ്റരാത്രി കൊണ്ട് ഇല്ലാതാകുന്നത്. കൃഷി ഒന്നാകെ നശിച്ചുകിടക്കുന്നത് ചെന്നുകാണാനുള്ള മനക്കരുത്ത് കർഷകർക്കില്ല. വനം വകുപ്പാകട്ടെ ആനകളെ പ്രതിരോധത്തിനുള്ള ഒരു നടപടിയും സ്വീകരിക്കുന്നില്ല. നഷ്ടപരിഹാരമായി അനുവദിച്ചത് തുച്ഛമായ തുകയാണ്. അതും കർഷകർക്ക് ലഭിക്കുന്നില്ല

35 വർഷത്തോളമായി ഇവിടെ താമസമാക്കിയിട്ട്. ഇക്കാലത്തിനിടയിൽ ഇതുപോലെ ആനശല്യം ഉണ്ടായിട്ടില്ല. രാത്രിയിൽ ഉറക്കമില്ല. ആനക്കൂട്ടത്തെ ഓടിക്കാൻ പടക്കം പൊട്ടിച്ച് നേരം വെളുപ്പിക്കുകയാണ്. ആദ്യമൊക്കെ പടക്കത്തിന്റെ ശബ്ദം കേട്ടാൽ ആനകൾ പിന്തിരിഞ്ഞിരുന്നു .ഇപ്പോൾ ഇതുകൊണ്ടും ഫലമില്ലാത്ത സ്ഥിതിയാണ്. വീടും പുരയിടവും വിറ്റുപോകാമെന്ന് കരുതിയാൽ വാങ്ങാനും ആരും തയാറാകുന്നില്ല.