പൊന്നാനി പൊതുനിരത്തിലെ ബോർഡുകൾ നീക്കിത്തുടങ്ങി

പൊന്നാനി ∙ ഹൈക്കോടതി ഉത്തരവിനെത്തുടർന്ന് നഗരവീഥികളിലെ ഫ്ലെക്സ് ബോർഡുകൾ നീക്കിത്തുടങ്ങി. പൊതുനിരത്തുകളിൽ സ്ഥാപിച്ച ബോർഡുകളും ബാനറുകളുമാണ് അഴിച്ചു മാറ്റുന്നത്. അപകടകരമായ രീതിയിലാണ് പല ബോർഡുകളും നിലനിൽക്കുന്നത്.കാലവർഷം തുടങ്ങിയതോടെ പലതും റോഡിലേക്ക് മറിഞ്ഞുവീഴാൻ തുടങ്ങിയിരുന്നു. നഗരസഭയും പൊലീസും മരാമത്ത് വകുപ്പ് അധികൃതരും ചേർന്നാണ് ബോർഡുകൾ മാറ്റുന്നത്.പരസ്യബോർഡുകൾ മാറ്റാൻ നേരത്തേ ഉടമകൾക്ക് നിർദേശം നൽകിയിരുന്നതാണ്. പാലിക്കാത്തവരിൽ നിന്ന് അയ്യായിരം രൂപ പിഴയീടാക്കാനും തീരുമാനിച്ചിട്ടുണ്ട്.