ചിയാനൂർ പാടത്ത് കാറുകൾ കൂട്ടിയിടിച്ച് 6 പേർക്കു പരുക്ക്

ചങ്ങരംകുളം ∙ സംസ്ഥാന പാതയിൽ ചിയാനൂർ പാടത്ത് കാറുകൾ കൂട്ടിയിടിച്ച് 6 പേർക്കു പരുക്കേറ്റു. ആനക്കര സ്വദേശികളായ ആഖില (27), ഫാത്തിമ തൻഹ (7), അസ്‌ല (21), അൻസില (24), ദാവൂദ് (5), ആത്തിഫ (3 മാസം) എന്നിവർക്കാണു പരുക്കേറ്റത്. ചങ്ങരംകുളം സ്വകാര്യ ആശുപത്രിയിൽ എത്തിച്ച ഇവരെ തൃശൂർ സ്വകാര്യ ആശുപത്രിയിലേക്കു മാറ്റി.കോയമ്പത്തൂരിൽനിന്നു വട്ടംകുളത്തെ ബന്ധുവീട്ടിലേക്കു പോകുന്ന കാറും പൊന്നാനിയിൽനിന്ന് ചാലിശ്ശേരിയിലേക്കു പോകുകയായിരുന്ന കാറുമാണ് കൂട്ടിയിടിച്ചത്.