മൂന്ന് ഘട്ടമായി 214 തടവുകാർക്ക് മോചനം

മുംബൈ∙സ്വാതന്ത്ര്യത്തിന്റെ 75–ാം വാർഷികത്തോട് അനുബന്ധിച്ച്  സംസ്ഥാനത്തെ വിവിധ ജയിലുകളിൽ നിന്ന്  214 കുറ്റവാളികളെ 3 ഘട്ടമായി മോചിപ്പിക്കും. ഓഗസ്റ്റ് 15ന് ഇതിനു തുടക്കമാകും. രണ്ടാം ഘട്ടം അടുത്ത  വർഷം റിപ്പബ്ലിക് ദിനത്തിലും മൂന്നാം ഘട്ടം അടുത്ത സ്വാതന്ത്ര്യ ദിനത്തിലുമായിരിക്കും. ശിക്ഷിക്കപ്പെട്ട 6000ൽ പരം തടവുകാരാണ് സംസ്ഥാനത്തെ സെൻട്രൽ ജയിലുകളിൽ വസിക്കുന്നത്. 

ഇവരിൽ നിന്ന് തിരഞ്ഞെടുത്ത 214 പേരുടെ പട്ടിക ഗവർണറുടെ അംഗീകാരത്തിനായി അയച്ചിട്ടുണ്ട്. ഗവർണറുടെ ഉത്തരവ് ഉടൻ ഉണ്ടാകും. തടവുകാരുടെ പെരുമാറ്റം, ജയിലിൽ പിന്നിട്ട കാലയളവ് എന്നിവയടക്കം വിവിധ ഘടകങ്ങളുടെ അടിസ്ഥാനത്തിലാണ് വിട്ടയയ്ക്കേണ്ടവരുടെ പട്ടിക തയാറാക്കുന്നത്.