ദാദർ സ്റ്റേഷനിൽ പുതിയ നടപ്പാലം തുറന്നു

മുംബൈ ∙ പശ്ചിമ റെയിൽവേ, ദാദർ സ്റ്റേഷനിൽ നിർമിച്ച പുതിയ നടപ്പാലം യാത്രക്കാർക്കു തുറന്നു കൊടുത്തു. സ്റ്റേഷന്റെ തെക്കേ അറ്റത്ത് സ്ഥിതി ചെയ്യുന്ന നടപ്പാലം 1, 2, 3, 5 പ്ലാറ്റ്‌ഫോമുകളെ ബന്ധിപ്പിക്കുന്നതാണ്. 8 കോടി രൂപയാണ് നിർമാണച്ചെലവ്. 

  നഗരത്തിലെ ഏറ്റവും തിരക്കേറിയ സബേർബൻ സ്റ്റേഷനുകളിലൊന്നായ ദാദറിലൂടെ പ്രതിദിനം ഒരു ലക്ഷത്തിലേറെ യാത്രക്കാർ കടന്നുപോകുന്നു. ട്രാക്ക് മുറിച്ചു കടക്കാനുള്ള യാത്രക്കാരുടെ പ്രവണത തടയാനാണ് കൂടുതൽ നടപ്പാലങ്ങൾ നിർമിക്കുന്നതെന്നു പശ്ചിമ റെയിൽവേ അധികൃതർ അറിയിച്ചു.