ഗോവയിൽ നിന്ന് മദ്യമെത്തിച്ചാൽ ‘മകോക’ ചുമത്തിയേക്കും

മുംബൈ ∙ ഗോവയിൽ നിന്നു മഹാരാഷ്ട്രയിലേക്ക് മദ്യം കൊണ്ടുവരുന്നവർക്കെതിരെ കടുത്ത വ്യവസ്ഥകളോടെയുള്ള മഹാരാഷ്ട്ര സംഘടിത കുറ്റകൃത്യ നിയന്ത്രണ നിയമം (മകോക) പ്രകാരമുള്ള കുറ്റം ചുമത്താൻ മഹാരാഷ്ട്ര എക്സൈസ് വകുപ്പ് ആലോചിക്കുന്നു. ഗുരുതര കുറ്റകൃത്യങ്ങളിൽ പ്രതികൾക്കെതിരെ ചുമത്തുന്നതാണ് മകോക. ഇതുവഴി മദ്യക്കടത്ത് പൂർണമായും തടയാനായാണ് സംസ്ഥാന സർക്കാരിന്റെ നീക്കം. നടപടികളുടെ കരട് തയാറാക്കാൻ എക്സൈസ് മന്ത്രി ശംഭുരാജ് ദേശായി സിന്ധുദുർഗ്, കോലാപുർ എന്നിവിടങ്ങളിലെ ഉന്നത  ഉദ്യോഗസ്ഥരോടു നിർദേശിച്ചു.