കൊടുംചൂടിനെതിരെ കരുതലെടുക്കാം

മുംബൈ ∙ ഉഷ്ണതരംഗം കാരണം  താപനില കുതിച്ചുയരുന്നതിനാൽ നഗരവാസികൾക്കു ബിഎംസി ജാഗ്രതാ മുന്നറിയിപ്പ് നൽകി.ഉച്ചയാത്രകൾ ഒഴിവാക്കുന്നതിനൊപ്പം ഭക്ഷണക്രമത്തിലും ശ്രദ്ധ വേണമെന്ന് ആരോഗ്യവിഭാഗം ആവശ്യപ്പെട്ടു. വേനൽക്കാലത്തു ചായ, കാപ്പി പോലുള്ള പാനീയങ്ങൾ ഒഴിവാക്കണമെന്നും ശരീരത്തിനു തണുപ്പ് നൽകുന്ന പാനീയങ്ങൾ ഉപയോഗിക്കണമെന്നും നിർദേശമുണ്ട്. 

മറ്റ് നിർദേശങ്ങൾ
∙ വീടുകളിലും ഫ്ലാറ്റുകളിലും വാതിലുകളും ജനലുകളും തുറന്നിടുക.
∙ അടുക്കളയിൽ വായുസഞ്ചാരം ഉറപ്പാക്കുക.
∙ പഴകിയ ഭക്ഷണങ്ങൾ കഴിക്കരുത്.
∙ ശരീരത്തിൽ ജലാംശം നിലനിർത്താൻ ശ്രദ്ധിക്കുക.
∙ എണ്ണമയമുള്ള ഭക്ഷണങ്ങൾ ഒഴിവാക്കുക.
∙ കൊടുംചൂടുള്ള സമയത്ത് പുറത്തിറങ്ങാതിരിക്കുക.
∙ യാത്ര ചെയ്യുമ്പോൾ കുടിക്കാൻ വെള്ളം കരുതുക.