തിരുവളളൂർ പഞ്ചായത്ത് പഠനോത്സവം വളള്യാട് യു.പി. സ്കൂളിൽ

ഈ വർഷത്തെ തിരുവളളൂർ പഞ്ചായത്ത്തല പഠനോത്സവം വളള്യാട് യു.പി സ്കൂളിൽ വെച്ച് പഞ്ചായത്ത് വൈസ് പ്രസിഡന്റ് സഫീറ. ടി.വി യുടെ അദ്ധ്യക്ഷതയിൽ ബഹു: കുറ്റ്യാടി മണ്ഡലം എം എൽ എ പാറക്കൽ അബ്ദുളള ഉദ്ഘാടനം നിർവഹിച്ചു. എ ഇ ഒ ഹരീന്ദ്രൻ തിരിക്കോത്ത് പദ്ധതി വിശദീകരണം നടത്തി.

ബി പി സി വേണുഗോപാലൻ കെ കെ, വാർഡ് മെമ്പർ നസീറ മാമ്പിലാച്ചേരി, പി ടി എ പ്രസിഡന്റ് എ പി ബാബു, അശ്റഫ് മച്ചൂരക്കൽ, ശാലിനി ബാബു,ഹബീബ ടീച്ചർ, രാധാകൃഷ്ണൻ നമ്പ്യാർ, എം കെ നാണു, ഇ കെ കുഞ്ഞമ്മദ്, അഹമ്മദ് മുറിച്ചാണ്ടി എന്നിവർ ആശംസകള്‍ അർപ്പിച്ചു. ഹെഡ് മിസ്ട്രസ്സ് പി ശോഭന സ്വാഗതവും, സ്കൂൾ ലീഡർ മുഹമ്മദ് സിദാൻ നന്ദിയും പറഞ്ഞു. ശേഷം കുട്ടികൾ പഠന മികവ് തന്മയത്തത്തോടെ അവതരിപ്പിച്ചു.